Главная страницаКарта сайта

Фейзудин Нагиев

Родился в Дагестане (в селе Ага-Кран). Закончил Инженерно-строительный (Одесса, 1977 г.) и Литературный им. А.М. Горького (Москва, 1992 г.) институты. Член Союза Писателей и Союза Журналистов России. Доктор филологических наук (Специальность: 10-01-08. Теория литературы. Текстология). Автор книг позии, прозы, научных монографий, более 200 статей на лезгинском и русском языках. Область интересов: литература, текстология, история Кавказа (Кавказская Албания) и Передней Азии, этнография, эпиграфика. (удостоин золотой медали в номинации «Литература»)

http://www.nagiev-clan.ru/index/biografija/0-5  — Сайт поэта

 

Иеси я гьар сад вичин ник1е цайи бегьердин,
Бегьер битмиш хьайила чун бахтлу жеда, шад жеда.
Иеси я илан йиф-йугъ гьасилзавай зегьердин.
Рик1е чирагъ авай касдиз хъут1уьн цк1из гад жеда.
Иеси я гьар сад вичин ник1е цайи бегьердин.

Рекьер – гзаф, анжах кьве рехъ чи уьмуьрдин сефердин
Садаллагьди гьанва вилик: Хийир – Шийир (фад жеда).
Жува хкягъ, гьик1 кьат1изва ви акьулдин тегьерди.
Жуван силин т1унут1дихъ лап вече шткард дад жеда.
Иеси я гьар сад вичин ник1е цайи бегьердин.

Анжах хуррам кас акьада гьавурда чиг сегьердин,
Билбилрин нагъмадалди вун, т1ебиат сад жеда.
Рик1е регьим авай касдихъ, фагьум ая иердиз,
Гьар-гьамиша Аллагьдин пай – вичин к1усни йад жеда.
Иеси я гьар сад вичин ник1е цайи бегьердин.

2001

                                        ... .

Чимивални мекьивал це лугьуз на вахтунихъ
Галтугналди бахт жедач ви несибдин бахтунихъ.
Кьадарди ваз гайивал, фелекдин т1аб кайивал,
Агакьда вун мураддин рик1евай пак тахтунихъ.
Зун гафунин есир я, таъсир я гьар гьарфунин,
Зун гафунин пак сир я, асир я гьар зат1унин.
Зун гафунин панагь я, гунагь я зун гафунин,
Зун гафунин гьелягь я, аллагь я гьар гьарфунин.
Гьар са калам къадам гьар Садаллагьди гайи заз,
Гьар са к1алам, къалам гьар вахтуни ч1ар кайи заз,
Куьззава зи мефт1еди, эверзавай магьфеди,
Хуьзват1ани чефтеди куьтягь тежер гьафтедин.
Зун рекьида, къирмишда гафарин серт гуьллейри,
Рик1и, руьгьди дадмишна сафсаф беден къирмейри.
Кузва, кузва дустарин тапаррини гьиллейри,
Гъайрайизва рушари, гигиз пехил ксари.
Дувандивай сан жедач зун тухвай кьван жермейрин.
Душмандивай к1ан жедач адил нагьахъ крарин.
Гьуьжетзава силисдал хъверерзавай къастари,
Гуьзетзава межлисдал эверзавай дустари.
Амма заз мад вахт амач: эвернава Винида.
Адалатдин тахт амач. Гузвалда ам кирида.

09.2003.


Обсуждение

Facebook
ВКонтакте



Новое на сайте:


Все права защищены © — 2018 Ярославская Лезгинская национально-культурная автономия